ناجي يخسر ٦٣ كيلو دهون ويحكي قصته
ناجي يخسر ٦٣ كيلو دهون
السلام عليكم و رحمة الله و بركاته
طبعا مستغربين انا قاعد لوحدي ليه و مين ده .. انا عضو زيكم اسمي ناجي من المنيا شرفنا البشمهندس مصطفى في زيارة على كورنيش النيل .. احب احكيلكم على تجربتي ابتديت ١٨١ كيلو من شهر ٢ و التزمت بأنظمة الصفحة و المسابقات و طبعا الفضل لربنا ثم المهندس و الصفحة .. تتخيل واحد ١٨١ كيلو عايز يبقى انسان طبيعي محتاج ١٠٠ كيلو يطلع منو هيروح فين استحالة طبعا ... فتلاقي قدامك نموذج زي المستر محمد الأزمازي خلاص عندك قدوة هتمشي على آثاره... طبعا أحيي البشمهندس و كل القائمين على الصفحة و بوجه تحية لوالدي و زوجتي و كل حد ساعدني في رحلة التغيير ... النهاردة الصبح الحمد لله بقيت ١١٨.
شاهد الفيديو
م.مصطفى🎤 الراجل ده كان معدي ٢٠٠ كيلو و غير من حياته اه لخبط في البداية لكن التزم بأنظمة المسابقات.. نفعك نظام المسابقات و لا الأنظمة الثابتة
أ.ناجي🎤المسابقات لأنك مش لوحدك معاك ناس.. بحاول أبدأ قبلهم بيوم استحالة اسمع الصبح الرسالة تديني طاقة اكمل للآخر و يوم الفري اعمل الي انا عايزه و طبعا مع الالتزام بتعليمات يوم الفري ٥ ساعات صيام بين الوجبات و تاكل الي انت عاوزه
م.مصطفى 🎤طب ليه بتصوم ٥ ساعات
أ.ناجي🎤انا ملتزم كل الكلام المكتوب في النظام اطبقه...
م.مصطفى 🎤 ٥ ساعات هتدي فرصة للجسم يهضم .. طيب احنا ليه دايما بنقولك متجمعش نوعين بروتين
أ.ناجي🎤علشان بيتعب المعدة
م.مصطفى 🎤جمع نوعين بروتين هيديلك احساس بعدم الراحة في المعدة هتلاقي فيه غازات و تحس بتقلصات و دربكة الموضوع في الاكل انك مش عشان تخس بس لا ..انك تكون مرتاح و معدتك مرتاحة و تحس ان جسمك متناغم معاك... عارف لما تركب عربيتك ممكن تكون نظيفة و كل حاجة لكن حاطط لها بنزين سيء هتقرفك و احنا مش عايزين كده ..احنا عايزين نخس مرتاحين و بعد كده نتعلم بعض العادات الغذائية الجميلة زي العسل على الريق
أ.ناجي🎤بص يا هندسة في حاجات أصدقاء ليا في رحلة التغيير مثلا :
١- العسل بالمية الدافية على الفجر حتى يوم الفري .. ٢- زيت الزيتون ملعقة الزيت دي بطبخ بيه اي حاجة... ٣ - انا مش بمارس الرياضة ...٤- اللبان بدون سكر مهم جدا هي دي الرياضة بتاعتي معملتش رياضة مفيش عمليات و أدوية التخسيس خالص ..
تحدى نفسك و ابدأ معانا
انا والدي و امي و زوجتي و الاولاد هما الي بيشجعوني على الاستمرار
المدام قصتها اني اول ما بدأت الريجيم بتقولي انت حلو كده انا عايزاك كده و بدأت تعمل نوع من التحدي .. كل الأكلات إلي بحبها تعملها و انا متابع الأنظمة
م.مصطفى 🎤ناجي من الناس الي دعتنا على الايفنت بشكرك جدا
أ.ناجي🎤 الشرف لينا يا هندسة
م.مصطفى 🎤معانا الاستاذ أحمد الحسيني الي جينا بدعوة منو كمان و هو من الناس الي بعزهم جدا و خس معانا ٣٠ كيلو و هو مريض غدة فبيروح للدكتور و هو متابع معانا ... أ.ناجي🎤انا طول عمري تخين بيسموني عبود القصة قصة تخين و انا مش مكسوف اني تخين انا متصالح مع نفسي. البداية بتاعتي كنت هعمل عملية في شهر ١٢ كلمت الدكتور قالي انت فوق ١٨٠ كيلو المطلوب تبقى ١٥٠ عشان تكون في امان
م.مصطفى 🎤 في امان عشان تعمل العملية تعرف ليه لان الناس الي وزنها زيادة بيبقى التخدير صعب عليهم
أ.ناجي🎤هو بيعمل طبعا البحر طحينة
م.مصطفى 🎤خلي بالك هو ممكن يكون عايز مصلحتك و بيقولك تقدر تخس ٣٠ كيلو
أ.ناجي🎤لا هو ماقليش خس ٣٠ كيلو هو قال ان الي فوق ١٥٠ بسعر تاني .. المهم اتفجأت بألم في الزايدةو رحت لدكتور جراحة عندنا قال للعيلة ده اشتباه في الزايدة و في حالة ناجي استحالة يعمل العملية انا كده بموته انا اخاف اعملهاله
م.مصطفى 🎤لأنه صعب يوصل الزايدة بوجود كمية الدهون دي انت لو قدر الله و كانت الزايدة عندك جابت آخرها التدخل الجراحي يبقى خطر عليك
أ.ناجي🎤اهلي بيقولولي متعملش العملية ده خطر عليك و انا بقولهم انا كده كده ميت
لأني ميت بالحياة واحد عنده الضغط من سن ٢٣ سنة و طول حياته تخين فخلاص اعمل العملية و يا صابت يا خابت مش هتفرق .. انا رجعت للدكتور و قال ان الزايدة استجابت للعلاج و كله تمام