تعرف على ميزاني الشخصي وسعره ومتى يحدث زيادة وهمية

تعرف على ميزاني الشخصي وسعره ومتى يحدث زيادة وهمية

تعرف ع كيفية التخلص من الزيادة الوهمية 

شاهد👀الفيديو

بسم الله الرحمن الرحيم السلام عليكم ورحمة الله و بركاته 

الحلقة الي فاتت يمكن اتكلمنا على الميزان و أهميته و للاسف الشديد رغم اني اتكلمت عن أنواع الميزان الكويس و الوحش... بالرغم من كده الناس سألت في الكومنتات ايه الاحسن ميزان المؤشر و الا الرقمي .. و انا كنت رديت في الحلقة و قلت ان الميزان الرقمي هو الافضل و لقيت في الكومنتات ناس عملت معايرة للميزان يعني مثلا جابت ١٠ كيلو رز و حطوه على الميزان لاقوا انه بيدي القراءة ١٠ كيلو بردو اذا الميزان طلع مضبوط ... و زي ما قلت احنا قناة ما بعد التغيير يعني قناة بتناقش حياتك بعدما تخس ان شاء الله مش قناة أثناء التغيير الي هي لو نفسك تخس.. لكن هذه القناة مختصة فقط بما بعد التغيير .. و قلت ان الزيادة في الوزن من اسبابها ابتعادك عن الميزان و بالتالي لو تقدر توزن نفسك صبح و بالليل يبقى زي الفل فلقيت ناس بتقول ده كثير هيحصلنا وسواس و إحباط .. حضرتك انا مش بتكلم عن الميزان أثناء الدايت هو ممنوع انك تستخدم الميزان أكثر من مرة في الاسبوع اثناء الدايت لأنه هيبقى مصدر إحباط شديد ليك فلازم نفرق بين استخدام الميزان خلال فترة التغيير و استخدامه ما بعد التغيير يعني بعد التغيير الميزان يبقى صاحبك ... بالمناسبة ده الميزان بتاعي الي بستخدمه ميزان عادي كنت جايبه ب ٨٠ جنيه من فترة طويلة و ده لاستخدامي الشخصي انا و زوجتي بس محطوش للعيال حتى لو كان غالي مش هيستحمل استخدام أكثر من شخصين له و لازم يتشال في مكان هو لو وقع على الأرض هيتكسر .. الميزان رخيص و هو بيطلع القراءة الي انا عايزها و عملتله المعايرة و زي الفل مفيش مشكلة أحيانا بتوقف عليه يطلّعلك اول قراءة ثاني مرة قراءة أخرى اذا لازم الميزان يتحط على أرضية مسطحة و صلبة عشان خاطر يطلّعلك النتيجة الحقيقية .. طيب ناس سألت لو حصل زيادة خلال اليوم يعني لو وزنت بالليل لقيت ٧٥ و اكلت حاجة و بكره وزنت لقيت ميزاني زاد اعمل ايه ساعتها .. في الحقيقة انا ثاني يوم اروح فاطر ملعقتين عسل مع رغيف سن كبير شوية و الغداء صدور دجاج مع سلطة و العشاء شوية فاكهة و خلاص على كده بلاقي الميزان اتضبط ثاني يوم. طب ايه السبب ايه الي حصل .. الي حصل انه كان عندك عدم اتزان في سوائل الجسم يعني ممكن تكون ما اكلتش حاجة كبيرة و انا قلت مستحيل خلال ليلة واحدة وزنك يزيد ٢ او ٣ كيلو ده كثير جدا يعني ٣ ×٩ ب ٢٧ الف سعر حراري حضرتك مش هتقدر تاخذ ٢٧ الف سعر في اليوم ..... و بالتالي يا جماعة الزيادة دي وهمية نتيجة احتباس السوائل .. مثلا عند السيدات اثناء البيريود و الي بتاخذ حبوب منع الحمل ممكن يحدث زيادة وهمية.. لكن الي لازم تفهمه ان فكرك هيتغير هتعرف انت غلطت و عكيت و الا لا .. لا ماعكيتش كل الي اكلته ممكن يكون فيه صوديوم زيادة... انا مرة كنت عند دكتور الاسنان حصلي دوخة من البنج قلتلها انا دايخ قالتلي استنى اجيبلك حاجة مسكرة فرفضت لأنه مش هبوط سكر .. الي انا عايز اوصلهولك انك بعد كده هتحس بجسمك عايز ايه عطشان و لا جيعان فكرك هيتغير 

و طبعا الناس الي بتابعنا و لسه في مرحلة التغيير ممكن تقول الراجل ده بيقول اي كلام فارغ .. انت نفسك بعد التغيير هتبقى انسان مختلف .. زمان كنت اقعد في البيت لازم اكل ازاي اتفرج على فيلم من غير ما آكل لب و مكسرات ..ممكن حتى اطلب ديليفري بالليل انا بحكي على نفسي انسان اتغير فكره.. انا مش كذاب على فكرة لما بقولك انت كمان هتتغير يبقى هتتغير ليه بقا الشاهد على ذلك ناس كثير اتغيرت و ناس كثير بيعيدوا نفس كلامي ويقولوا عندك حق احنا كمان اتغيرنا... ناس كثير تأثرت بكلامي و اتغيرت حياتهم و سبحان الله اتبدّلوا ... هييجي عليك وقت و انت قاعد تتفرج على فيديو ليك و تقول ايه الي كنت عامله في نفسي ليه سيبت نفسي السنين دي كلها بالشكل ده .. الحمد لله رب العالمين ان ربنا جعلنا سبب في تغييرك و انك تتشجع بينا و تشوف نماذج واقعية حصل لها التغيير .. طبعا ربنا يجازي كل خير الناس الي نشرت انجازاتها ..فأهم حاجة النية فطالما اخلصت نيتك لله لهذا العمل فلا تبالي استمر و الي يحبطك و يقولك شكلك وحش بعد التخسيس الناس دي اما يكون مش عجبها الي عملته لأنه مش عارف يعمل زيك او لأنك كنت مصدر للسخرية و دلوقتي بقت عندك شخصية قوية فهو نفسه ترجع ضعيف زي الاول عشان يكسرك لكن في النهاية انت بتخس علشان نفسك

الي عايز اقوله في النهاية انت هتتغير تغيير كبير .. الكومنتات الي شفتها لناس بتقول احنا هنتحرم من الاكل و مش عارف ايه انت فكرك هيتغير لدرجة انك مش هتصدق نفسك انه قدامك اكل بتحبه و تقول مش عايزه و تروح تاكل اكل صحي مش خوف انك تتخن تاني و لكن فكرك اتغير احساس هتعيشه لو انت جربته ... و اخيرا متنسوش الاسبوع المقبل يوم ٩/٢١هيكون لنا تجمع في كفر الشيخ تحديدا في مدينة دسوق في حديقة الاسرة و الطفل من ١٠ إلى ٤ المساء أستودعكم الله.

🌺🌺دمتم سالمين 🌺🌺