هتخسوا من غير دايت بعد التثبيت
بعد التثبيت هتخس بدون دايت ونصائح هامه للمثبتون
شاهد👀الفيديو
معنا لقاء مع أحد المثبتون الأحرار الاستاذ أحمد أبو المجد .حضرتك ثبت بقالك قد ايه
أ.أحمد🎤من ٩ /٢٠١٦ كنت ١١٨ كيلو نزلت لغاية ٨٥ و ثبت و بعدها بقيت ٧٧
م.مصطفى 🎤يعني انت خسيت بعد التثبيت.. انا قلتلهم كثير ان الواحد بعد التثبيت وزنه بينزل مش بيزيد .. ا.احمد🎤كان عندي فوبيا من التثبيت و بعدين قلت انا خلصت و لازم اعيش حياتي عادي و اتعلم الي انا فهمته مع الصفحة فلقيت ان الحياة ماشية عادية ..م.مصطفى🎤الاستاذ أحمد بعتبره اخويا الكبير من الناس المحترمة و الطيبة ..ا.احمد🎤لما تلاقي صديق و واحد يبقى واقف معاك فده من فضل ربنا عليك ..م.مصطفى🎤فعلا لو انت انسان طيب هتلاقي كل شيء طيب في حياتك ...أ.أحمد🎤في حاجة بردو ان احنا لازم نصفي نيتنا لما نتعامل في اي شيء سواء كدايت الي انت بتعمله لوجه الله عشان تحافظ على نفسك ربنا مديك امانة فلازم تحافظ عليها ..م.مصطفى🎤يا ريت تقولهم ان احنا سواء في مرحلة الدايت او التثبيت تكون النية لله انك بتصلح شيء أخطأت فيه و بتعمل تصالح مع نفسك و ده بيأثر على شخصيتك بعد كده ..
أ.أحمد🎤كنت دايما في مرحلة الدايت أبص لنفسي و اقول ربنا اداني نعمة فلازم احافظ عليها فلما آجي الخبط اقول لا ربنا أكرمني و لقيت حد يقولي الصح من الغلط فحرام أبوز ده باكلة باي حاجة غلط و ابتديت احافظ و كل متحافظ مشوارك هينتهي بسرعة و كده احنا بننتظر الفري بتاعنا و نلتزم فيه بمقاييس الاكل و السعرات ده بالنسبة للدايت ..م.مصطفى🎤طيب قلهم مثال ليوم بتاعك هل انت تقدر تاخذ وجبتين مفتوحين في اليوم
أ.أحمد🎤انا بأخذ الوجبتين ..انا اتعلمت ايه الي يخش جسمي مش بهنكر في اي حاجة
م.مصطفى 🎤يعني ايه يهنكر
أ.أحمد🎤يهنكر يعني ياكل الأخضر و اليابس و ده غلط طبعا.. م.مصطفى🎤اعطينا مثال الفطار.. أ.أحمد🎤الفطار ممكن آخذ شوفان بالموز مع العسل و شوية لوز
و كباية القهوة باللبن زي الفل و ممكن آخذ بيضتين مع التوست او عيش أسمر مع خيار و ممكن جبنة مع نص رغيف أسمر مش بحضر الموجود في الثلاجة اكلو لازم تبقى فاهم ايه الي هيدخل معدتك و تحافظ عليها
م.مصطفى 🎤مش كل يوم ناكل طعمية مقلية و بطاطس ..أ.أحمد🎤ممكن تخلي يوم يكون عادي مع اولادك .. م.مصطفى 🎤خلي بالك انا بعد التثبيت البطاطس المقلية مفتكرش اني اكلتها لانها بتؤذي
أ.أحمد🎤في حاجات منعتها من حياتي زي البطاطس المقلية فآكل مكانها المسلوقة انت لازم تفكر يعني مثلا بدل الشوكولاتة تفاحة لازم تشغل دماغك ..م.مصطفى 🎤هل انت حاسس بحرمان .. أ.أحمد🎤لا ابدا انا باكل الي عايزه مفيش حرمان بأخذ الغداء بما يرضي الله و الفطار لازم يكون بدري من ٦ إلى ٦ و نص بالكثير ..م.مصطفى🎤زمان كان الواحد يصحى من النوم يروح الشغل ويشرب الشاي و بعد كده يفتكر الفطار الساعة ٢ او ٣ الظهر...أ.أحمد🎤في نقط ثابتة في حياتي زي العسل و المية الدافية اول ما اصحى/ ..٣ لتر مية.. الرياضة
لما اخلص الفطار بتاعي اخذ السناك فاكهة مثلا تفاحة او إيجاص لو جعان اكل ثمرتين بس مبعكش بعد كده الغداءالساعة ٢ انا بعشق الدجاج ممكن آخذه مسلوق مع شوية أرز ابيض م.مصطفى🎤 هو طعم واحد الأرز الي عليه زيت و لا من غيره
أ.أحمد🎤اكيد هو هو أهم حاجة يبقى جواك الالتزام .. شوية الأرز دي مع الدجاج او سمك و السلطة ملاقيتش كل ده و اتزنقت معايا العيش في العربية كوبيتين زبادي مع الخيار اهم حاجة ملخبطش
م.مصطفى 🎤الناس بتسمعك هتقولك لا الموضوع كده صعب اوي و هفضل محروم .. هو في نقطة ان مخك يستفسر ١٨٠ درجة لما تلاقي حياتك اختلفت و تشوف الرشاقة و تبقى مبسوط مش هتتمنى ترجع لورا تاني هتلاقي ان النعمة دي اكبر بكثير من اي طعم اكل و الاكل هيبقى عدوك .. مثلا كان ليك صاحبك حبيبك و خانك انت بتخرجه من حياتك لأنه بيأذيك هو بردو الاكل في الظاهر صديق لكن كثرته عدو ... أ.أحمد🎤هو وسيلة مش غاية و هو مش هيخلص احنا و صحتنا الي بتخلص انا بقيت اعمل كل حاجة العب مع اولادي و حالتي النفسية احسن كان عندي مشاكل في ظهري اتحلت.. م.مصطفى 🎤 و في نقطة الي هي الضغوط العصبية هتبقى هادي جدا في التعامل مع اي ضغط عصبي في الاول مكنتش طايق نفسك بس لما هتخس هتبقى هادي.. آخر حاجة يا استاذ احمد قولنا في ناس بتشتكي من الإمساك سواء خلال الدايت او حياتها العادية قولنا تجربتك... أ.أحمد🎤انا لقيت المية الدافية ساعدتني كثير وفيه الحاجات الملينة زي القراصيا الي هي البرقوق المجفف احنا بنتكلم عن الحياة بعد التثبيت و المية و الألياف و الخيار و ملتزم ان العشاء يبقى خفيف زبادي او فاكهة هو اللايف ستايل كده و الحمد لله و بشكر الصفحة الي اديتني بعد ربنا الامل في الحياة و ان الواحد يستمتع بحياته تاني الي يعرف معنى الرشاقة استحالة هيفرط فيها ...م.مصطفى 🎤بشكرك يا استاذ أحمد بتمنالك السعادة و اتمنى كل الناس تستفيد من الفيديو و من واحد ثبت و خلص و بيقولك الحياة اجمل بكثير اوي بعد التثبيت
🌺🌺دمتم بود🌺🌺