كيف خسرت 15 كيلو بعد التثبيت وبدون رجيم وكيف حافظت على وزني لسنوات "لايف ستايل
بعد التثبيت بتكون تعودت ع النظام الغذائي وفهمت احتياجات جسمك وممكن ينزل وزنك كمان لايف استايل
شاهد👀الفيديو
حبيت الخص لكم اللايف ستايل في ثلاث محاور رئيسية و هي: الطعام - الاهتمام بالجسم - الاهتمام بالرياضة ... لازم تعرف ايه الي وصلك لزيادة الوزن ده لانك مكنتش تهتم بنوعية الاكل و ان حركتك بقت قليلة و عدم اهتمامك بجسمك ناس كثير و خصوصا السيدات ممكن تكون متجوزة ووزنها ٦٠ كيلو فجأة تلاقي وزنها بقا ١٤٠ كيلو دخلت في دوامة الخلفة و تربية الأولاد و كمان الرجالة فالنهاردة عايزين نعيد النظر في اسلوب حياتنا
١- اول حاجة هنتكلم عنها الطعام هو من الأساسيات و هي الحاجة الي تخلينا نعيش فاول حاجة لازم نركز على نوعية الاكل الي قدامك مكوناته ايه فلو نحط سمنة بدل الزيت اكيد هتفرق السمنة عبارة عن سعرات حرارية عالية فلما تستبعد بعض الحاجات الي ملهاش لازمة و المضرة زي السمنة و استبدالها بزيوت طبيعية زي زيت الزيتون او الذرة هيكون أفضل و هتلاقي اكلك اتحسن و السعرات قلّت بشكل كبير و بكده هتحافظ على جسمك لفترة أطول اذا التركيز على نوعية الطعام و طريقة إعداده هتفرق معاك فبدل القلي نعمل اكلنا في الفرن لازم تعرف ان اي حاجة محمرة بيفقدها عناصر كثير و بتسبب مشاكل صحية وبالتالي لازم نركز على نوعية الطعام و تستبدل الحاجات الغير
صحية ..٢- تناول الاكل في أطباق صغيرة فلو اكلنا في أطباق كبيرة مش هنتحكم في الكمية لازم نجيب أطباق صغيرة و نحط فيها شوية بروتين و نشويات و خضار و فاكهة و ابقى آكل من كل حاجة فلما يخلص الاكل من قدامي احس بالشبع بالتدريج هتتعود
٣- الاهتمام بتناول الطعام الطبيعي يعني حاول تلجأ للطبيعة في تناول الطعام حاول مثلا تاكل الفول بالشكل الطبيعي بتاعه مش في شكل طعمية ..تاكل الدقيق الاسمر بلاش الأبيض.. انك تبعد عن العصائر حتى لو فريش اتجه للفاكهة احسن عشان الألياف الي فيها بتشبع و تأثر بشكل إيجابي على الجهاز العصبي و تلاقي نفسك مرتاح اذا اتجاهك للاكل بصورته الطبيعية هيخلي الجسم ينعم بالصحة طول العمر
٤- إدخال الخضروات في اكلك حتى لو مش بتحبه دخله بشكل غير مباشر داريه في الاكل اوعى تستغنى عن الخضار لو بتاكل ساندويتش جبنة قطع عليه طماطم و فلفل و خيار و غيره هيشبعك اكثر و حاول تستخدم الأجبان الطبيعية بلاش المطبوخة
الحليب بردو بعد التثبيت تقدر تشربه كامل الدسم تجيبه و نغليه ٧ غلوات و تسيبه في الثلاجة و تشرب منه
٥- مضغ الطعام جيدا: بلاش نبلع على طول لانه يسبب عسر هضم فلو قعدت تمضغ ١٨ مضغة هتلاقي معدتك ارتاحت بشكل كبير
٦- تناول الطعام ببطيء: الاستعجال في الاكل بيجوع أكثر لو اكلت بالراحة المخ يبعث إشارة للمعدة انك شبعت فحاول تتناول الطعام بشكل بطيء جدا
٧-الماء: الماء سر الحياة لو مشربتش الماء مش هتشوف خير في جسمك اذا تناول الماء بشكل يومي من ٨ إلى ١٢ كوب بشكل منتظم هتلاقي الجسم في منتهى الانتعاش و الحرق بتاعه كويس جدا و الهضم كذلك و مش هتلاقي لبشرة وحشة و لا اي تجاعيد
٨- الافطار مبكرا: يعني حرق بدري يعني عندك فترة حرق كبيرة جدا و بالتالي هتستفيد بشكل كبير
٩-العسل: من الحاجات المهمة جدا لو ملعقة واحدة على الريق بشكل يومي هتفرق معاك
١٠- السكريات: من الحاجات السيئة هي و الملح .. الملح نقلل منه قدر الإمكان لأنه بيحبس السوائل في الجسم .. السكر الابيض يخلي عندك شراهة كبيرة و يخلي الجسم يحرق طول النهار تقريبا في السكر و سايب الاكل فتتخزن الدهون بشكل فضيع عشان كده استبدله مثلا بالسكر المستخرج من نبات استيفيا و لو تمنع الحاجات دي أفضل
* الاهتمام بالرياضة: ناس كثير بتكسل و ما تتحركش مثلا تجيب اكل من بره بدل متطبخ و تجيب شغالة بدل متعمل هي شغل البيت فنصيحة لازم نمط الحياة ده يتغير اعملي اكلك و نظفي بنفسك و لو رايح او رايحة لشغلك اركن العربية و امشي لازم نتنشط و نتحرك فكل ده هيفرق معاك لو عندك إمكانيات روح الجيم لكن المشي كفيل لوحده انه يحافظ على جسمك طول حياتك
*الاهتمام بالجسم: ١- جسمك في لحظة تلاقيه زاد ممكن السبب ميكونش معروف ممكن اكلك قليل لكن جسمك بيزيد عشان كده لازم تهتم بفحص جسمك كل فترة يعني تبص على نفسك في المراية و تخلي الميزان صديقك ده بعد التثبيت فلازم تهتم بالميزان و القياسات عشان تقدر تتحكم في نفسك
٢- النوم الجيد: لازم تنام بشكل جيد من ٧ إلى ٨ ساعات يوميا بيضبط هرمونات الجسم و يعيد بناء بعض الخلايا و يصغر المعدة لو وسعت تاني و يحرق من مخزون الدهون الزيادة فطول الليل الجسم بيحرق
٣ - إجراء فحوصات بشكل دوري على الجسم: نعمل تحاليل الهرمونات، فيتامين دال ، الغدة و غيرها
٤- الاهتمام بالأدوية الي انت بتاخذها ممكن تكون تحتوي على كورتيزون و ده بيسبب زيادة الوزن ابحث في كل جوانب جسمك
هو ده اللايف ستايل طبق ده على نفسك و مش هتزيد غرام انا خسيت عليه ١٥ كيلو فانت من خلال اللايف ستايل تقدر تحقق نتيجة كويسة جدا
🌺🌺دمتم سالمين 🌺🌺