السيدة إنتباه تتخلص من ٥٠ كيلو دهون وتبدأ مرحلة التثبيت
السيدة إنتباه تتخلص من ٥٠ كيلو دهون
م.مصطفى🎤بسم الله الرحمن الرحيم من ايفنت كفر الشيخ في دسوق معانا انجاز مختلف الحقيقة دي الحاجات و الناس الي بتفرحني شخصيا و حضرتك لا تتخيلي انا مبسوط قد إيه يمكن كل الإنجازات إلي في الصفحة كوم و حضرتك كوم تاني خالص
شاهد الرسالة فيديو
الحجة انتباه🎤مش عارفة اقولك إيه و الله انا انبساطي اني شوفتكم انتم. اصدقائي و الاسرة بتاعتي الي هما ميعرفونيش انا بس الي اعرفهم حتى اخواتي يقولولي ما وراكيش الا البشمهندس..م.مصطفى🎤طبعا الحجة إنتباه هي مكنتش عايزة تقول اسمها عشان الناس متتريقش عليها...الحجة انتباه🎤كثير من الناس مسمعتش بالاسم ده
م.مصطفى🎤ده حتى فيه برنامج مشهور اسمه انتباه... ربنا يديك الصحة احكلنا يا حجة انت سنك كام كنت كام عرفتينا منين
الحجة انتباه🎤انا عرفتكم على الفيس و اليوتيوب ... من و انا طفلة كنت تخينة و انا عندي 20 سنة كنت اصلي الظهر و افطر و اصلي المغرب و اتعشى دول الوجبتين الرئيسيتين بتوعي هو الاكل العادي فيه عيش و رز كنت بجمع بينهم عندنا الحجة الله يديها الصحة يعني عيب لو الصينية خلصت لازم الاكل يبقى موجود فيها على طول بحيث متعرفش انت اكلت كام...م.مصطفى🎤ايه الي تخنك وصلت لغاية كام..الحجة انتباه🎤انا مكنتش بوزن انا وزنت بعدما عملت الريجيم بشهر لقيت نفسي 117 بعدها بشهر وزنت لقيت نفس الوزن متغيرش فقلت لزوجة أخويا انا هوزن كمان شهر لو منزلتش اعمليلي حتة كيكة وبعد شهر تفاجئت اني خسيت 3 كيلو قلت كويسين انا كان عندي 44 سنة وقتها..م.مصطفى🎤عندك كم سنة دلوقتي
الحجة انتباه🎤عندي 48 سنة انا اكبر منك انت اخويا الصغير ... انا من عمر 17 سنة و انا عايزة اعمل ريجيم يمكن من العشرينات لغاية الاربعينات و انا نفس الوزن مبخسش و بزيدش جالي الضغط و احس بارهاق شديد .. فقلت اعمل حاجة اسمها تمهيد الريجيم مش في تمهيد الماجستير هههههه فكنت مثلا بدل مآخذ رغيفين اخذ رغيف فمهدت شهر لغاية مخسيت 3 كيلو قلت خليني ماشية كده و بعدين تعرفت عليكم و مشيت على
نظامكم..م.مصطفى🎤خسيت كام بقا...الحجة انتباه🎤 50 كيلو من 117الى 68 كيلو كنت في رمضان مدينا فري كثير فبعد الفري وزنت لقيت 70 كيلو زعلت اوي و كان بعد الفطار و انا بشرب مية كثير و انت بتقول من 8 ل 12 انا بشرب اكثر ..م.مصطفى🎤لو انت محتاجة مية اشربي... احنا اثرنا فيكي...الحجة انتباه🎤كثير انا عايشة معاكم من سنتين ثلاثة حتى في قناة مهندس دايت وراكم
م.مصطفى🎤دي بعدالتغيير ..انت النهارده اليوم 8 في التثبيت
الحجة انتباه🎤اه الحمد لله
م.مصطفى🎤بصي هو حلو انك عايشة الحياه معانا و ممكن الي مش عايش معانا في الصفحة مش هيستفيد انت متابعة معانا
الحجة انتباه🎤كل حاجة يومياتك كلها معايا..م.مصطفى🎤حضرتك قعدة على الكرسي ده بقالك قد ايه الحجة🎤من و انا عندي سنة و نص..م.مصطفى🎤للاسف فيه ناس تقدر تتحرك و رغما عن كده يقولك انا مكسل امشي و اخس تقوليلهم ايه دول..الحجة انتباه🎤حارمين نفسهم من الدنيا زي محضرتك بتقول مش معقول اضحي بكل حاجة مقابل متعة الاكل ..انا جاتلي واحدة تسألني انت خسيتي ازاي كنت بقولها اعملي كذا فتقولي انا معرفش اكل ده ...م.مصطفى🎤المشكلة لو الواحد فضل ماشي ورا نزواته فلغاية امتى .. احنا عايزين بقا خلاصة النصائح الي انت تعلمتيها.. الحجة انتباه🎤 اهم نصيحة انك تقنع نفسك و الي عايز يتغير هيتغير و لازم الارادة انا قعدت 44 سنة معنديش ارادة و بعدها عملتها ..م.مصطفى🎤بالضبط انا امي فضلت 40 سنة تخينة و فاكرة ان ده جسمها بس تغيرت
الحجة انتباه🎤الناس كانت تقول انت كده عشان مبتتحركيش
م.مصطفى🎤و انت اثبتي لهم ان الموضوع مش بالحركة و هو في الاساس العك في الاكل
الحاجة انتباه🎤 اه و بشوية تنظيم في الاكل هيتغيروا م.مصطفى🎤انا بحيي حضرتك انت نموذج رائع جداا الي هو يرد على اي حد بيدلع او يكسل فانت فعلا هنعتبرك numbre one بجد بعد اذنك يا مستر. انت الاولى لانك عندك ارادة بجد من حديد ربنا يديك الصحة و بشكرك لأنك دافع لناس كثير انها تتغير... الحاجة انتباه🎤مفيش سجن زي سجن الدهون اتغير منها و كل حاجة هتبقى أحلى
م.مصطفى🎤ربنا يديك الصحة و بشكر حضرتك و اشكركم جميعا