لو نفسك في مكرونة بشاميل خفيفة وصحية وطعمها يجنن

لو نفسك في مكرونة بشاميل خفيفة وصحية وطعمها يجنن

الأكل الصحي ليس معناه الحرمان معنا تغير معنى ومذاق الأكل وتم طبخ مكرونه بشاميل صحيه لذيذه خفيفه ع المعده تستحق التجربه😉

شاهد👀الفيديو 

طريقة عمل المكرونة بيشاميل

 اللحمة المفرومة، جزرة مبشورة، بصل مفروم، فلفل اخضر مقطع دي المكونات الي هنستخدمها مع اللحمة الخاصة بالمكرونة البيشاميل .. نسخن الطاسة و نحط البصل بدون اي دهون و نشوحها و هنشوف بعدين ازاي اللحمة هتنزل دهونها.. نقلب البصل كل شوية لغاية ميذبل و نحط الفلفل و نقلب و بعد كده نضيف اللحمة هي بتبان بيضة لأني فرمها في البيت هتشوفوا كمية الدهون الي هتنزل منها و ده الي بيديها سعرات عالية يخلينا منستخدمهاش كثير في الأنظمة الغذائية... اللحمة ابتدت تستوي نحط الجزر معاها تقريبا نص جزرة و نقلب و نغطيها لغاية متستوي نحط معاها الفلفل الاسمر و الملح و نقلب كويس.. نشيل الدهون الي نزلت من اللحمة .. و دي المكرونة اتسلقت مكونات البيشاميل: كوبيتين حليب خالي الدسم ، ٥ ملاعق دقيق اسمر، شوربة و دي اختياري ٥ ملاعق كبار ، الفرق بين الدقيق الاسمر و الأبيض ان الاسمر بيكون غامق و الأبيض فاتح ... نبتدي نحط مكونات البيشاميل اول حاجة الحليب و بعد كده الدقيق و نقلب كويس على البارد لغاية متتجانس و بعدين نحطهم على النار و نقلب هيبتدي يثقل نضيف شوية شوربة وهي اختياري و من الاحسن نشيل منها الدهون تماما و نقلب نحط عليها الملح و الفلفل الاسمر و الشطة و نكمل تقليب لغاية ما الخليط يتجانس و يثقل 

دي المكرونة بعد السلق نحط عليها شوية بيشاميل و نقلب مع بعض... نرص المكرونة في صينية و نحط فوقها اللحمة و نفردها و نحط عليها الطبقة الثانية من المكرونة ثم طبقة أخرى من البيشاميل و على الوش نحط بيضة و ندخلها الفرن و نسيبها لغاية متستوي .. شكلها تحفة و لا اروع.

🌺🌺بألف هنا وصحتين ع قلوبكم 🌺🌺